Mitsubishi áleýmettik jelilerindegi materıaldardy túrlendirý maqsatynda agenttik qyzmetkerleri Mitsubishi Outlander avtomobılimen Qazaqstandy eki jetiniń ishinde aralaýǵa shyqty. Saıahatshylar Almatydan shyǵyp, Balqash, Qaraǵandy, Astana, Rýdnyı, Qostanaı, Kókshetaý, Pavlodar jáne Aqsý qalalaryn aralap qaıtty. Fotoreportajy bar posttar eki jarym apta boıy ortasha eseppen eki kúnde bir ret shyǵyp turdy.
«Bizdiń saıahatshylar ózderimen birge sham, Nikon D5300 aınaly fotoapparatyn, artyq sabyn saýtyn, eki noýtbýk, offlaın kartochkalary bar eki smartfon, uzaqqa shydaıtyn batareıasy bar Nokıa, mobıldi ınternetke arnalǵan modem, joldorbalar jáne tamaq pen sýsyn salynǵan birneshe paket aldy. Mitsubishi Outlander Almatydan 30 tamyz kúni tańǵy saǵat 6:00 shyqty. Birinshi núkte bolyp — Balqash qalasy belgilendi».
«Qaraǵandyǵa deıingi jol eleýsiz-aq ótip ketti — jol jaqsy, qorshaǵan orta beımaral, eshqandaı shytyrmansyz. Kádimgi fleshkaǵa júktelgen mýzyka jalyǵýymyzǵa jol bermedi.»
«Orasan zor tútegen zaýyt, aıtpaqshy Nursultan Nazarbaev eńbek jolyn bastaǵan — Temirtaý eske erekshe saqtaldy».
«Astanadan Kókshetaýǵa qaraı birneshe shaqyrym baǵytta tabıǵat kórinisi áldeqaıda ózgerip, ońtústik óńirden erekshelenetin aǵashtar men kóptegen shaǵyn aýyldar kórine bastady. Qostanaı oblysynda ortasynda úlken astyq elevatory oryn tepken astyqtyń altyn alqaptary sozylyp jatyr.»
«Qostanaıǵa Outlander túndelete kirdi, sol sebepti onda aıaldamaı, birden Rýdnyıǵa bet aldyq. Osynda Mitsubishi aıaldama jasaıtyn bolady».
«Rýdnyıda temir keni ken orny damytylyp jatyr, qala turǵyndarynyń kópshiliginiń qyzmeti qala qurýshy mekeme jumysyna qatysty. Qalanyń kórikti jerleri taý-ken qazý taqyrybyna qatysty. Mysaly, qalaǵa kire beriste ekskavator shómishi túrindegi jazba tasy, al qalaǵa ekinshi shetten kire beriste kóptegen shaqyrymǵa sozylyp jatqan «belester» oryn tepken. Bul úıindiler karerdy qazý jumystary kezinde paıda bolatyn jynystar qurylymy».
«Qostanaı-Kókshetaý trassasynyń jartysy derlik — shuńqyrlardan, jamaýlardan jáne ashyq jerlerden quralǵan. Jolda avtokólikter kezdespeıdi. Júk arbalary men qala turǵyndarynyń eski avtokólikteri sırek kezdesedi. Bul sapardyń eń uzaq ári kúrdeli bóligi boldy. Esesine biz Kókshetaýda «chekın» jasadyq, óıtkeni osynda endigári qaıta oralýymyz ekitalaı edi.»
«Aqsý — eń aldymen óziniń ferroqorytpa zaýytymen áıgili qala. Bul zaýyttyń turbalary qalaǵa kirmesten-aq kórinedi. Munda Outlander birneshe kún boıyna lager quryp, Pavlodar jáne basqa kórshiles jerlerge birneshe ret baryp qaıtady».
«Úıge qaıtar jolda biz Balqash aıasynda sýretke túsýdi uıǵardyq. Bul oraıda biz buryn jabyq áskerı qalashyq bolǵan Prıozerskige soǵyp, sý jaǵasynda birneshe ret sýretke túsip, úıge qaıtar jol aldynda serpilip, sergip aldyq.»
«Sapar 14 kúnge sozyldy. Biz 4 911 shaqyrymdy baǵyndyryp, 9 qalany aralap shyqtyq. Outlander 95-janarmaıdyń 467 lıtrin «jedi». Ortasha tutyný kólemi 100 shaqyrymǵa 9,5 lıtrdi qurady.
