Mitsubishi Pajerosport jáne Outlander múmkindikterin pash etý maqsatynda biz Sharyn shatqalynda kóshpeli fotosessııa uıymdastyrdyq.
«Bul materıal „GPS-ten núkteni anyqta“ nemese „júkarbany ala sal“ sózderi esh qıyndyq týdyrmaıtyn „saıahatshylarǵa“ arnalǵan. Desek te qyzyqqa toly serýen tynysy da shette qarap turmaıdy. Jalpy aıtqanda, biz týra ózimiz sııaqty „tańǵajaıyp saıahatshylar“ úshin test-draıv uıymdastyrdyq.»
«Mitsubishi Pajero Sport qalada symbatty keme tektes. Onymen júrmeısiń — júzesiń, al qalalyq jylpos shaǵyn lıtrajdy mashınalarǵa joǵarydan úńilesiń. Trassa men joly joq jerlerden ótkende onyń ne úshin jasalǵanyn túsinesiń. Bıiktigine qaramastan, burylystardan joǵary jyldamdyqpen ótkende jantaımaıdy. Kez kelgen jol tóseminen keremet ótedi.»
«Pajero Sport berik aspasy qara jolǵa túskenge deıingi sońǵy 40 shaqyrymda maksımaldy 110 km/saǵ jyldamdyǵymen júrýge múmkindik berdi. Al qara jolmen Sharynǵa deıin — 60−80 km/saǵ jyldamdyqtaryn esh qıyndyqsyz ustandy.»
«Outlander jolda óte jaqsy júredi, aıdaý yńǵaıly. Joly joq jerlerde ózin jaqsy jaǵynan kórsetti — eshnársesi selkildemeıdi, syldyrlamaıdy. Desek te biz oǵan bola ýaıymdap, shatqalǵa alty jolaýshyny esh qıyndyqsyz sıdyrǵan Pajero-men tústik. Alaıda, biz beker ýaıymdaǵan ekenbiz — eńis alasa boldy, ári shuńqyrlardan da Outlander aıtarlyqtaı qıyndyqtarsyz óte alatyndaı eken.»
«Mine, qarsy aldyńda — aıbyndy Sharyn shatqaly. Shógindi jynystardyń hıkmetti jınaǵy óziniń saraılary, zyndandary jáne qııaldaǵy bekinisteri bar ejelgi qalany elestetedi. Ásirese shatqal kúnniń batýynda ásem kórinedi — kún sáýlesi qyzyl jartastardyń bederin erekshelep, shópti jarqyrata bastaıdy.»
«Pajero joly qıyn mekenderge jetýge, ekspedıcııalarǵa qolaıly ekeni sózsiz. Al Outlander qala úshin, qala syrtyna sırek saparlarǵa, saıajaı nemese serýnderge shyǵýǵa qolaıly. Alaıda qoıylǵan mindetterdi ekeýi de beske oryndady.»
